Waħda mill-attivitajiet ewlenin fil-Festival tal-Ktieb ta’ din is-sena hija diskussjoni bit-tema ‘Id-Drammaturgu f’Alfred Sant’ nhar il-Ġimgħa 6 ta’ Novembru fis-6.30pm f’Dar il-Mediterran għall-Konferenzi. Id-diskussjoni se titmexxa minn Dr Marco Galea, Lettur fl-Istudji Teatrali fl-Università ta’ Malta. Jieħdu sehem Dr Toni Sant, direttur artistiku u li dderieġa ‘Qabel Tiftaħ l-Inkjesta’ fit-Teatru Manoel (1994); Joyce Grech, direttriċi artistika li dderiġiet ‘It-Tfal ta’ Nikol Grixti’ fit-Teatru Manoel (2004); u Alfred Sant innifsu li se jikkummenta fuq ix-xogħlijiet letterarji tiegħu. L-attività hija organizzata flimkien mal-pubblikazzjoni tat-tieni edizzjoni ta’ ‘Qabel Tiftaħ l-Inkjesta u drammi oħra’ minn SKS. Din id-diskussjoni hija ta’ interess partikolari għall-istudenti Universitarji li qed jistudjaw id-dramm ‘Qabel Tiftaħ l-Inkjesta’. Il-pubbliku mistieden jattendi. Dħul b’xejn.