Fit-Tielet Sena tas-Sekondarja jsir il-proġett tal-qari. L-għan ta’ dan il-proġett hu li l-istudenti jaqraw, jieħdu gost jaqraw, jaqraw ktieb bil-Malti u jitkellmu dwaru ma’ sħabhom tal-klassi. B’hekk l-istudenti l-oħra, apparti li jkunu qraw il-ktieb li jkunu għażlu, isiru jafu b’kotba oħra bil-Malti u jitħajru jaqrawhom.
Jekk qrajt ktieb bil-Malti u ktibt dwaru, jew għamilt xi preżentazzjoni dwaru fil-klassi, tista’ tibgħat ir-riċensjoni tiegħek u ntellgħuha f’ismek f’din il-paġna. Tibżax turi x-xogħol tiegħek, aħna lesti ngħinuk biex tippreżenta l-aqwa verżjoni tax-xogħol tiegħek.
